EFE.- Axentes da Policía Local de Lugo denunciaron esta fin de semana un veciño da cidade que estaba a realizar labores agrícolas nunha leira situada a varios quilómetros do seu domicilio, “sen causa que o xustificara”.
Segundo informou a propia Policía Local, o denunciado estaba a traballar nunha leira próxima á rúa Xoán Diego, na cidade de Lugo, unha parcela que dista uns cantos quilómetros de distancia do seu domicilio habitual. Polo tanto, os axentes levantaron unha acta de infracción por incumprimento do estado de alarma decretado para frear a propagación do coronavirus.
A Policía Local lembroulle que as medidas recollidas no estado de alarma establecen un límite de 500 metros desde o domicilio habitual á leira para realizar ese tipo de labores agrícolas en producións para autoconsumo.