Un botellón na praza do Castiñeiro remata con dous detidos e catro sancións

Un veciño alertou da presenza destes homes na praza do Castiñeiro de Lugo, alleos ás restricións que obrigan a se confinar nas vivendas.

Policía Nacional.

Catro mozos foron sorprendidos este martes facendo botellón na praza do Castiñeiro (Lugo), obviando así as medidas restritivas que obrigan ao confinamento. Todos eles foron sancionados pola Policía Nacional e dous deles, reincidentes, foron arrestados.

Segundo fontes policiais, un veciño da zona alertou da presenza deste grupo de homes, tras o que os axentes se presentaron no lugar para verificar os feitos. Quedando probado que incumprían a normativa vixente, procedeuse a tramitar as correspondentes sancións.

Ademais, ao ser dous deles reincidentes e ao negárense a abandonar o lugar, os axentes procederon ao seu arresto por un delito de desobediencia. Os dous detidos, dous varóns de 30 e 45 anos de idade, pasarán a disposición xudicial durante a mañá deste mércores.

MÁIS INCUMPRIMENTOS

Estas sancións súmanse ás da Policía Local e a Garda Civil. Fontes deste último corpo informaran de que na xornada do domingo se chegaron a tramitar ata cincuenta denuncias na provincia contra persoas que non respectaban o estado de alarma.

DEIXAR UN COMENTARIO

Please enter your comment!
Please enter your name here