Unha muller e un menor resultaron feridos nunha colisión entre tres vehículos en Vilalba

O accidente produciuse á ultima hora da tarde deste luns 17 de febreiro.

Imaxe de arquivo dunha unidade medicalizada do 061 | Sergas

Unha muller e un menor recibiron asistencia sanitaria tras rexistrarse unha colisión entre tres vehículos ocorrida na noite deste luns no termo municipal de Vilalba.

Segundo informou o 112 Galicia, este sinistro ocorreu sobre as 20:10 horas deste luns no punto quilométrico 7 da estrada N-120, ao seu paso por Vilalba.

Tras o aviso dunha persoa, o CIAE 112 Galicia puxo a situación en coñecemento de Urxencias Sanitarias de Galicia-061, da Garda Civil de Tráfico, dos Bombeiros de Vilalba e do Servizo Municipal de Protección Civil.

O 061 enviou ao lugar unha ambulancia de soporte vital básico que trasladou ao Hospital Universitario Lucus Augusti (HULA) de Lugo á muller M.M.C.F., de 64 anos, e a un menor.