Deteñen tres persoas dunha banda que roubaba en caixeiros e que subtraera 31.000 euros en Vilalba

O grupo organizado actuaba en localidades de todo o territorio estatal.

Axentes da Garda Civil | Ministerio do Interior

A Garda Civil detivo tres persoas dun grupo criminal especializado na subtracción de diñeiro de caixeiros automáticos que subtraera uns 31.000 euros nunha entidade en Vilalba.

Segundo información do Instituto Armado, a chamada ‘Operación Tampico’ conseguiu a detención de tres integrantes da banda nas localidades de Madrid, Barcelona e Andújar (Jaén).

Esta operación iniciouse a finais do ano 2018 tras ter coñecemento da subtracción de 31.000 euros dos caixeiros automáticos dunha entidade bancaria de Vilalba. O operativo culminou coa última das detencións deste grupo criminal o pasado 29 de xaneiro na localidade xienense de Andújar.