InicioSucesosUn garda de seguridade do HULA foi acoitelado pola parella dunha paciente

Un garda de seguridade do HULA foi acoitelado pola parella dunha paciente

O vixilante atópase fóra de perigo, aínda que permanece en observación.

PUBLICADA O

- Advertisement -

Un home de 47 anos permanece detido logo de ser arrestado por acoitelar este domingo un garda de seguridade no Hospital Universitario Lucus Augusti (HULA) de Lugo.

Segundo informaron fontes policiais, o suceso ocorreu sobre as 17:00 horas deste domingo, momento no que o investigado quixo quería ver a súa parella, que se atopaba na Unidade de Psiquiatría do hospital.

A muller protagonizara previamente un altercado coa Policía Local de Lugo. Investigada por atentado e resistencia á autoridade, a muller acudiu ao Punto de Atención Continuada (PAC) de Fingoi custodiada polos axentes. Posteriormente foi evacuada ao HULA. A súa parella tamén os acompañou, pero mostrábase nervioso, con “continuas entradas e saídas”.

Logo diso, dirixiuse a un dos vixiantes de “forma alterada e nerviosa”, relataron fontes policiais. De forma “inesperada e súbita” sacou unha navalla e deulle dúas coiteladas, o que provocou que dous compañeiros do vixiante se abalanzasen sobre el. Ademais, tamén se achegaron os axentes da Policía Local que custodiaban a muller e outra patrulla da Policía Nacional.

Segundo estas mesmas fontes, o garda de seguridade ferido permanece ingresado no HULA en “observación”, malia atoparse fóra de perigo.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...