InicioSucesosDous homes de Lugo chegan ás mans a raíz dos excrementos que...

Dous homes de Lugo chegan ás mans a raíz dos excrementos que depositou un can na rúa

Un dos individuos circulaba en coche pola Avenida da Coruña, pero baixou do vehículo para recriminarlle ao propietario do can que a zona estaba chea de feces. Ambos homes foron detidos logo de agredirse con diferentes obxectos.

PUBLICADA O

- Advertisement -

Dous veciños lucenses, de 56 e 64 anos de idade, protagonizaron unha forte discusión ocasionada polos excrementos que depositou o can dun deles nunha rúa de Lugo. Os homes foron detidos pola Policía Nacional tras agredirse en plena vía pública.

Segundo informou a Policía Nacional, os feitos ocorreron o pasado martes á última hora da tarde. O propietario do can, que paseaba pola zona alta da Avenida da Coruña viuse sorprendido polo outro home, que se apeou dun vehículo para recriminarlle que a zona estaba chea de feces do can.

Logo dunhas palabras, o home que chegara en coche colleu un obxecto do interior do vehículo —”unha barra ou pau”— e comezou a agredir con el ao propietario do can. Á súa vez, este tamén propinaba golpes coa correa do cadelo.

Así, acudiu ao lugar unha dotación de Radiopatrullas. Tamén foi precisa a axuda sanitaria, xa que un dos individuos implicados presentaba unha ferida nunha orella. Mesmo recibiu puntos de sutura. O outro home levara diferentes golpes no brazo e sufrira unha rotura dos ósos do nariz.

Ambos homes foron detidos por un delito de lesións graves. De todo iso informouse ao xulgado de garda. Os arrestados quedaron en liberdade á espera de ser citados pola autoridade xudicial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...