Arde unha oficina tras reavivarse un incendio mal apagado en Vilalba

As chamas que danaron este domingo un almacén en Vilalba volveron prender na mañá deste luns. Non houbo que lamentar feridos.

ARQUIVO | Consorcio Provincial de Bombeiros de Lugo
Consorcio Provincial de Bombeiros de Lugo

O incendio que afectou este domingo a un almacén en Vilalba reavivouse na mañá deste luns e afectou a unha oficina do local que ardeu por completo. Con todo, non houbo que lamentar feridos. Segundo informou o 112 Galica, foi unha persoa particular a que alertou dos feitos ao servizo de emerxencias pasados uns minutos das 7:15 horas deste luns.

Tras iso, o CIAE 112 Galicia solicitou a intervención dos Bombeiros de Vilalba, da Policía Local, da Garda Civil e do Servizo Municipal de Protección Civil. Unha vez sufocado o incendio, os membros do Servizo de Prevención, Extinción de Incendios e Salvamento da localidade permaneceron no almacén para revisar as zonas afectadas.