InicioSucesosUn incendio nun almacén con material combustible dana o baixo dunha vivenda...

Un incendio nun almacén con material combustible dana o baixo dunha vivenda en Vilalba

O suceso ocorreu na parroquia de San Lorenzo de Árbol. Afortunadamente, non houbo que lamentar danos persoais.

PUBLICADA O

- Advertisement -

Os servizos de emerxencias apagaron un incendio orixinado nun almacén de Vilalba que gardaba material combustible. As chamas afectaron o baixo da vivenda adxunta, aínda que afortunadamente non houbo que lamentar danos persoais.

Segundo informa o 112 Galicia, foi un familiar dos propietarios da vivenda quen, ao redor das 10:30 horas da mañá do domingo, alertaba á central de emerxencias do ocorrido e solicitaba axuda. Tal e como relataba este familiar, os residentes da casa, situada na parroquia de San Lorenzo de Árbol , atopábanse fóra no momento dos feitos.

O incendio, orixinado no almacén, alcanzou “unha forte carga térmica debido ao tipo de materiais almacenados”, que eran combustibles e produtos inflamables, indica o 112.

O servizo de emerxencias solicitou a intervención dos bombeiros de Vilalba e de Barreiros, así como de Protección Civil. Unha vez no lugar dos feitos, tardaron cinco horas en sufocar as chamas.

Tamén interviñeron a Garda Civil e a Policía Local, mentres que o 112 avisou por precaución aos efectivos da Central de Incendios Forestais da zona.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...