Un home duns sesenta anos de idade resultou ferido de gravidade esta tarde nun aparatoso accidente de circulación no que se viron implicados catro turismos no municipio lucense de Vilalba.
Segundo informaron fontes do Subsector de Tráfico da Garda Civil, o sinistro produciuse na carrtera provincial LU- P-6502 (Vilalba- Chavín), no quilómetro 3,500, sobre as 18:25 horas desta tarde.
Os primeiros indicios apuntan a que un dos condutores implicados perdeu o control do turismo e acabou chocando contra outros tres coches que circulaban en sentido contrario.
Por mor desa situación, produciuse unha colisión frontolateral, co resultado dun ferido grave e outro de carácter leve.
Ambos foron atendidos no punto polos servizos de emerxencias e evacuados en ambulancias do 061 ao HULA.