InicioLugo e contornaLugoDesmantelado o maior grupo de distribución de haxix polo miúdo do que...

Desmantelado o maior grupo de distribución de haxix polo miúdo do que se tivo coñecemento en Lugo

Conclúe a 'Operación Tractor' con 25 detidos. Os investigadores apuntan a un clan familiar que "tiña perfectamente establecido" o método de entrada da droga e distribución.

PUBLICADA O

- Advertisement -

Axentes da Policía Nacional adscritos á Brigada Provincial de Policía Xudicial da Comisaría de Lugo detiveron 16 persoas no marco da fase final da ‘Operación Tractor’ contra o tráfico de drogas, que se pecha con 25 arrestados dunha rede desmantelada de distribución de haxix en Lugo.

Segundo destacou a Policía Nacional, con este operativo “logrouse desarticular por completo o maior grupo dedicado á distribución de haxix polo miúdo do que se tivo coñecemento na cidade de Lugo”.

As investigacións comezaron, ao detectarse como unha parella de mozos veciños de Lugo e ambos con antecedentes anteriores por tráfico de drogas, se dedicaba á venda de haxix, para o que usaba inicialmente unha vivenda nas proximidades da comisaría lucense e, posteriormente, outra no barrio da Ponte de Lugo.

Ademais, comprobaron os policías que esta parella conformaba un grupo con outros dous homes veciños de Rábade (Lugo), pero residentes en Murcia e con vínculos familiares entre eles, que actuaban como provedores de haxix desta parella e realizaban continuas viaxes (ata tres desprazamentos nunha semana), entre Murcia e Galicia.

Neles, relataron as mesmas fontes, transportaban distintas cantidades de haxix que, posteriormente, eran entregadas a esta parella, para que se encargase de xestionar a súa distribución na capital.

COLABORADORES

Posteriores investigacións lograron constatar que para xestionar a distribución do haxix na cidade esta parella contaba, por unha banda, “cunha extensa rede de colaboradores“, subliña a Policía, dos cales “destacaba a mocidade de todos eles” e o feito de que na súa maior parte carecían de antecedentes anteriores, o cal “inicialmente dificultou as primeiras investigacións”, sinalaron as mesmas fontes.

Esta rede de colaboradores distribuía o haxix que lles entregaba a parella investigada, en distintas zonas da cidade, para o que utilizaban vivendas, prazas ou parques de distintas zonas da capital luguesa que “transformaran en auténticos puntos negros de venda de haxix polo miúdo”, matiza a Policía, que apunta que moitos dos seus clientes eran mozos menores de idade.

Así, a Policía logrou desarticular 14 puntos de venda de haxix en zonas como o centro histórico, A Milagrosa, A Piringalla, Fontiñas, San Roque ou Augas Férreas.

“ALTA CAPACIDADE”

Na mesma liña de investigación, a Policía incidiu en que se observou “a alta capacidade que tiña este grupo para distribuír haxix na cidade”, debido aos “innumerables desprazamentos que realizaban os provedores entre Murcia e Lugo e a capacidade de venda que tiñan a rede de camelos que tecera esta parella por toda a cidade”. Iso, abundan as mesmas fontes, “convertéralles nun grupo capaz de vender ao redor de 30 quilogramos de haxix ao mes, soamente polo miúdo“.

Unha vez se identificou plenamente a totalidade dos implicados nos feitos delituosos, e tras terse coñecemento de senllos desprazamentos dos provedores do haxix á cidade de Lugo, provenientes de Murcia, procedeuse á detención de ambos en distintas datas.

En concreto, foi sorprendido un deles cando transportaba oito quilogramos de haxix no maleteiro do seu vehículo. E, da mesma forma, procedeuse á detención do outro home cando chegaba á cidade con 30 quilogramos desta sustancia no seu vehículo.

Verificaron os axentes en ambas as ocasións que os detidos contaban coa “activa colaboración da parella residente en Lugo”, indica a Policía, á cal ía destinado o haxix intervido, xa que “realizaban intensos labores de vixilancia dos principais accesos por estrada á capital”. Iso, admitiron as mesmas fontes, “dificultou a interceptación e detención destas persoas, aínda que se logrou culminar con éxito esa fase a investigación”.

Despois da detención dos provedores que trasladaban o haxix desde Murcia, a parella investigada, co fin de manter o volume de distribución de droga, recorreu a un novo provedor, un cidadán de orixe marroquí con antecedentes por tráfico de droga e que foi o encargado da subministración regular de haxix a esta parella tras a detención dos outros membros do grupo.

ÚLTIMA FASE

Unha vez reunidos os indicios suficientes e coas autorizacións xudiciais, procedeuse á explotación final da investigación. Deste xeito, realizáronse tres rexistros domiciliarios e a detención dos restantes implicados. En concreto, o provedor de orixe marroquí, a parella de mozos lucenses e a súa rede de distribuidores.

Nos rexistros foron intervidas distintas cantidades de haxix, diñeiro en efectivo, útiles para a pesada da droga, teléfonos móbiles e outros efectos “que corroboran a participación dos implicados”, asegura a Policía Nacional.

En toda a operación, denominada ‘Tractor’, interviñéronse máis de 40 quilogramos de haxix, vehículos, dúas armas, un ‘xiriquete’ e unha pistola con abundante munición, teléfonos móbiles, diñeiro en efectivo e outros efectos.

En total foron detidas 25 persoas, co que a Policía considera desarticulada “a maior rede de venda polo miúdo de haxix” da que se tivo constancia ata a data de Lugo, así como o desmantelamento de 14 puntos negros de venda desta substancias repartidos pola “práctica totalidade dos barrios da cidade”, manifestan as mesmas fontes.

A investigación foi realizada polo Grupo de Estupefacientes da Comisaría de Lugo e coordinada polo Xulgado de Instrución número 1 desta cidade, coa colaboración de distintos grupos da Brigada Provincial de Seguridade Cidadá e do GOES da Xefatura Superior de Policía de Galicia.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...