- Advertisement -
O condutor dunha furgoneta resultou ferido esta mañá como consecuencia dun accidente que se produciu no municipio de Portomarín, ao chocar o seu vehículo cun camión.
Segundo informaron fontes do Subsector de Tráfico da Garda Civil de Lugo, o sinistro produciuse ás 08:18 horas, á altura do quilómetro 27 da estrada Nacional 540, cando a furgoneta que conducía o ferido impactou contra un camión de pequeno tamaño.
A persoa ferida foi evacuada por persoal de emerxencias á PAC de Guntín, dado que aparentemente as súas lesións non revestían gravidade. A Garda Civil investiga as causas deste accidente.