InicioSucesosPrisión provisional comunicada e sen fianza para o presunto autor da morte...

Prisión provisional comunicada e sen fianza para o presunto autor da morte do seu irmán en Rábade

PUBLICADA O

- Advertisement -

O Xulgado de instrución número tres de Lugo decretou o ingreso en prisión comunicada e sen fianza do presunto autor da morte do seu irmán o pasado sábado en Rábade. Segundo informou o Tribunal Superior de Xustiza de Galicia (TSXG,) o presunto autor dos feitos acolleuse ao seu dereito de non declarar e está investigado por un delito de homicidio.

En concreto, a Garda Civil detivo o sábado a este home pola súa posible vinculación co homicidio do seu irmán, cuxo cadáver había foi ese mesmo día con signos de violencia. A vítima, un home duns 60 anos, foi atopada pasadas as 14,00 horas nunha vivenda situada na Avenida da Coruña deste municipio lucense.

As forzas de seguridade foran alertadas previamente indicando que neste domicilio produciuse un homicidio. Personados no lugar, atopáronse na porta da vivenda cun home que tiña unha man ensanguentada e que lles asegurou ser o autor da chamada de alerta.

Os axentes localizaron no interior da vivenda o cadáver dun home con signos de ser estrangulado. Un equipo médico confirmou que se atopaba falecido. Por iso, procederon á detención do outro home, duns 40 anos e que residía na vivenda na que se produciron os feitos.

“MOI INTROVERTIDO”

Por outra banda, o alcalde de Rábade (Lugo), Kiko Fernández Montes, asegurou este luns que aínda seguen “consternados” no municipio despois de que un veciño supostamente matase o seu irmán o pasado sábado. O rexedor indicou que o presunto autor é “moi introvertido” e que nestes feitos puido ter influido a morte da nai, hai un mes.

 

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...