InicioSucesos"O autor do fratricidio era moi introvertido e o seu irmán coma...

“O autor do fratricidio era moi introvertido e o seu irmán coma un neno pequeno”, di o alcalde de Rábade

Kiko Fernández Montes lembra que a nai dos dous morreu hai un mes e que o falecido "era unha persoa que estaba moito na rúa e coma un neno pequeno".

PUBLICADA O

- Advertisement -

O alcalde de Rábade (Lugo), Kiko Fernández Montes, asegurou este luns que aínda seguen “consternados” no municipio despois de que un veciño supostamente matase o seu irmán o pasado sábado. O rexedor indicou que o presunto autor é “moi introvertido” e que nestes feitos puido ter influido a morte da nai, hai un mes.

Fernández Montes constatou que o falecido “era unha persoa que estaba moito na rúa, que sempre estaba a facer recados, facendo compras, que se vía moito” polo pobo. “Foi unha cuestión inesperada. Estas cousas adoitan ser así, o impacto é moi grande porque eran persoas moi coñecidas. A familia era tamén moi coñecida de sempre. O feito causou moita dor”, confirmou.

Ademais, o alcalde de Rábade puntualizou que ningún dos irmáns protagonizara “ningún episodio violento“, e así describiu ao presunto autor como “unha persoa discreta, moi introvertida”. Así mesmo, insistiu en que “non” se tiña “coñecemento de ningún altercado e moito menos de algo que fixese prever isto”, para seguidamente apuntar que a vítima “era como un neno pequeno, totalmente indefensa, é como quen fai dano a un neno”.

O crime por “afogamento” produciuse o pasado sábado na vivenda que compartían ambos os irmáns en Rábade, aos que lles faleceu a nai facía un mes. O presunto autor do crime permanece nos calabozos da Comandancia da Garda Civil de Lugo, á espera de que ao longo deste luns pase a disposición xudicial. Fontes do Instituto Armado engadiron que o detido non expuxo “ningún problema” estes días nas súas dependencias.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...