InicioSucesosIdentifican varios mozos por facer chamadas con avisos falsos desde unha festa

Identifican varios mozos por facer chamadas con avisos falsos desde unha festa

Os mozos querían gravar vídeos coa chegada dos axentes e subilos ás redes sociais. Os axentes tramitaron actas por infracción á Lei de emerxencias de Galicia pois "se considera esta conduta como infracción grave".

PUBLICADA O

- Advertisement -

A Policía Local de Lugo identificou a varios mozos por infracción da Lei de emerxencias de Galicia por realizar “chamadas reiteradas” con avisos falsos desde unha festa na que participaban co fin de facer vídeos dos axentes para as redes sociais.

Segundo relatou a Policía Local, na madrugada do pasado 9 de novembro unha patrulla da Unidade Territorial da Policía Local de Lugo acudiu a un edificio de Carril de Caiñós porque, segundo unha chamada recibida na Central operativa deste corpo, nun dos pisos celebrábase unha festa de mozas que “molestaba” aos veciños.

Tras falar co requeriente e manifestar que non realizara ningunha chamada, e unha vez comprobada a titularidade do teléfono desde onde se realizou, os axentes confirmaron que as chamadas proviñan do mesmo piso onde se celebraba a festa.

Así, realizadas as investigacións pertinentes, os policías constataron que eran os propios mozos que estaban na festa os que “chamaban insistentemente” á Central policial “a modo de broma”, indicaron as mesmas fontes, “para gravar desde a xanela aos axentes cada vez que chegaban ao inmoble e poder subir as gravacións a redes sociais”.

Os axentes identificaron “a todos os implicados” nestes feitos, subliñou a Policía Local, e tramitaron actas por infracción á Lei de emerxencias de Galicia pois “se considera esta conduta como infracción grave ao realizar chamadas reiteradas coas que se comunican avisos falsos de urxencias, mobilizando inxustificadamente efectivos policiais”, abundou.

Deste xeito, as mesmas fontes incidiron en que os axentes denunciaron “a todos os implicados” nesta conduta que, incide a Policía Local, “supón a apertura dun expediente sancionador con multa de mil a 15.000 euros”.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...