Axentes da Policía Nacional, en colaboración con persoal de seguridade privada, localizaron nun parque da cidade de Lugo a un neno que se perdeu.
Segundo relatou a Policía Nacional nun comunicado, integrantes da Brigada Provincial de Seguridade Cidadá en servizo de Radiopatrullas, coa colaboración de persoal de seguridade privada dun parque da cidade localizaron “a un neno que se perdeu da súa nai“.
Por iso, a Policía destacou “a importancia de concienciar aos menores que no caso de que se perdan ou se desorienten acudan inmediatamente onde haxa membros das Forzas e Corpos de Seguridade”, xa que así “estará garantida a súa protección e a entrega aos seus proxenitores”, abundou.