A Policia Nacional detivo en Lugo o pasado martes a un mozo implicado nunha pelexa nun local de lecer da cidade, froito da cal resultou ferido un home e unha muller allea aos feitos.
Os feitos remóntanse ao 25 de agosto, cando a Policía tivo coñecemento dunha pelexa que se produciu nun local de lecer da cidade.
Unha vez no lugar, os axentes identificaron a unha persoa que dixo ser agredida por outro mozo que abandonara o lugar. O ferido presentaba unha lesión na cabeza. Ademais, consecuencia da discusión, o mozo caera encima dunha muller que estaba no local e que necesitaba asistencia sanitaria. Tras unha investigación, os axentes puideron identificar e deter ao presunto autor dos feitos.
