InicioSucesosO bebé ingresado no HULA será tutelado pola Xunta que priorizará o...

O bebé ingresado no HULA será tutelado pola Xunta que priorizará o acollemento familiar

A directora xeral de Familia explicou que neste caso os procedementos activáronse de forma "moi inmediata", xa que se detectaron "indicios probados" de que o bebé estaba en situación de "desamparo".

PUBLICADA O

- Advertisement -

A Xunta de Galicia asumiu xa a “tutela urxente” do menor ingresado no Hospital Lucus Augusti con signos de posibles malos tratos e realiza o seguimento do caso priorizando a procura dun acollemento familiar.

Así o indicou a directora xeral de Familia, Amparo González, quen explicou que neste caso, como noutros similares, a Administración actuará “sempre buscando o maior beneficio para o menor”.

A directora xeral explicou que neste caso os procedementos activáronse de forma “moi inmediata”, xa que se detectaron “indicios probados” de que o bebé se atopaba nunha situación de “desamparo”, polo que a Xunta asumiu de forma “urxente” a tutela do menor.

Tras ingresar no Hospital Lucus Augusti con signos de malos tratos, activouse o protocolo nestes casos e a xuíza, unha vez examinados os datos e tomado declaración aos pais, ditou un auto no que outorgaba a tutela urxente á Xunta e decretaba o afastamento dos proxenitores.

Agora, os servizos de Menores da Administración autonómica realizarán un “seguimento” da situación sanitaria do menor, que permanece hospitalizado, achegando “toda a cobertura que poida necesitar” en calquera sentido.

Paralelamente, traballan para “buscar o mellor recurso” para o bebé unha vez reciba o alta que, de maneira prioritaria, será de acollemento familiar, ben con familia extensa do menor ou ben cunha familia allea de acollida.

“Estudarase se pode haber un acollemento por parte da familia extensa ou se hai que ir a unha familia allea“, dixo Amparo González, para o que se terá en conta a situación da “contorna” do menor. “Consideramos –que o acollemento familiar– é sempre mellor para o neno”, destacou.

A continuación manterase o seguimento ao bebé, para o que a Administración galega, dixo Amparo González, traballará en coordinación con servizos sociais, médicos e outros organismos vinculados co menor.

Finalmente, a directora xeral de Familia lembrou a existencia do Teléfono da Infancia, 116 111, ao que “calquera persoa” pode chamar “se nalgún momento teñen coñecemento ou sospeita dunha situación de risco”, para que esta sexa analizada polos servizos técnicos do menor.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...