InicioSucesosDetidos tres mozos en Lugo por roubar a unha nonaxenaria co método...

Detidos tres mozos en Lugo por roubar a unha nonaxenaria co método do ‘tirón’

Dous deles eran menores de idade. Fuxiron ás carreiras e deixaron á vítima tirada no chan.

PUBLICADA O

- Advertisement -

A Policía Nacional detivo a tres mozos, dous deles menores de idade, por roubar a unha muller de 94 anos de idade co método do ‘tirón’. Escaparon á carreira co moedeiro e deixaron á vítima ferida tirada no chan.

Segundo informa a Policía Nacional, as persoas detidas o pasado mércores 24 son tres rapaces de 18, 15 e 14 anos, aos que se lles imputa un roubo con forza. Tras recibir unha chamada que alertaba de que unha muller estaba tendida no chan e fora obxecto de roubo na rúa Casas Vellas, os policías desprazáronse ao lugar. Alí acharon á vítima no chan, con dores na cadeira e nos brazos. Os axentes procederon a chamar os servizos médicos para a súa atención e posterior traslado ao Hula, onde quedou ingresada.

Segundo relatou a propia vítima, ela paseaba pola rúa cando se lle achegaron tres mozos e lle pediron diñeiro para o autobús. Ela abriu o seu moedeiro e deulles 2 euros. Ao pouco tempo, este tres individuos, de forma sorpresiva e por detrás, arrebatáronlle o moedeiro á vez que a empuxaron “bruscamente” e a tiraron cara ao chan.

Grazas aos datos que se achegaron, coordinouse un operativo policial que rematou coa detención dos rapaces na rúa Vía Láctea. No cacheo, a un deles atopóuselle entre as súas pertenzas a chave do domicilio que pertence á vítima e, ao outro, o moedeiro.

Os feitos foron postos en coñecemento da Fiscalía de Menores e estes foron entregados aos seus proxenitores. En canto ao individuo de 19 anos, que presenta antecedentes policiais, foi posto a disposición xudicial e decretado o seu ingreso en prisión.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...