A Garda Civil detivo a un veciño de Lugo como presunto autor dun delito de furto continuado en vivendas habitadas entre os meses de febreiro e marzo.
Segundo informou o Instituto Armado, foi detido un home de 41 anos de idade como presunto autor dun delito continuado de furto en vivendas habitadas, ocorridos entre os meses de febreiro e marzo en varios domicilios situados en Lugo.
O presunto autor aproveitaba a súa condición de operario instalador de Internet para furtar xoias e diñeiro do interior das vivendas onde realizaba os traballos, vendendo posteriormente as xoias en locais de compravenda de ouro, relataron as mesmas fontes.
Ao arrestado fóronlle intervidas diversas xoias, que foron recoñecidas polos seus lexítimos propietarios e postas á súa disposición. Mentres, a persoa detida pasou a disposición xudicial.