Intoxicadas tres persoas nun incendio declarado nunha vivenda de Lugo

ARQUIVO | Consorcio Provincial de Bombeiros de Lugo
Consorcio Provincial de Bombeiros de Lugo

Tres persoas tiveron que ser atendidas ao resultar intoxicadas por inhalación de fume nun incendio declarado nunha vivenda da Praza de Alacante da cidade de Lugo.

Segundo informa o CIAE 112 Galicia, varios veciños do inmoble chamaron á central de emerxencias ás 16,30 horas para alertar da existencia dun incendio declarado no interior dun piso.

A central do 112 puxo o caso en coñecemento dos bombeiros de Lugo que se atoparon ao chegar ao lugar con que o incendio xa fora apagado polos ocupantes da vivenda. Con todo, tres persoas resultaron intoxicadas e tiveron que ser trasladadas ao Hospital de Lugo.