Tres persoas tiveron que ser atendidas ao resultar intoxicadas por inhalación de fume nun incendio declarado nunha vivenda da Praza de Alacante da cidade de Lugo.

Segundo informa o CIAE 112 Galicia, varios veciños do inmoble chamaron á central de emerxencias ás 16,30 horas para alertar da existencia dun incendio declarado no interior dun piso.

A central do 112 puxo o caso en coñecemento dos bombeiros de Lugo que se atoparon ao chegar ao lugar con que o incendio xa fora apagado polos ocupantes da vivenda. Con todo, tres persoas resultaron intoxicadas e tiveron que ser trasladadas ao Hospital de Lugo.