Detidas varias persoas en Lugo por vender viño ilegal coa denominación do Bierzo

Practicaronse 11 rexistros en naves e domicilios nas provincias de León, Ourense, Lugo e Pontevedra.

Desarticula unha organización dedicada ao embotellado e venda de viño de maneira masiva e fraudulenta. GARDA CIVIL | Fonte: Europa Press

O Servizo de Protección da Natureza (SEPRONA) da Garda Civil, no marco da operación ‘Baco 2019’, procedeu á detención de catro persoas e á investigación doutros seis pertencentes a unha organización delituosa dedicada ao embotellamento e venda de viño de maneira masiva e fraudulenta. Ademais, practicaronse 11 rexistros en naves e domicilios nas provincias de León, Ourense, Lugo e Pontevedra.

Segundo informou o Instituto Armado, puñan no mercado nacional e internacional uns dous millóns de botellas para facelas pasar por viño da Denominación de Orixe Bierzo (León) e Indicación Xeográfica Protexida de Vino de Castilla y León.

Aos detidos e investigados atribúeselles a comisión dos supostos delitos de estafa continuada, fraude, falsificación, utilización ilexítima de figuras de calidade e branqueo de capitais. A operación iniciouse en decembro de 2018 cando o Consello Regulador Denominación de Orixe Bierzo denunciou ante a Garda Civil irregularidades detectadas en varias contraetiquetas do viño que se atopaban no mercado.

A partir dese momento, os axentes realizaron numerosos controis do viño disposto para a venda en establecementos comerciais, detectando irregularidades en varias marcas comerciais, polo que se procedeu á inmovilización cautelar de case 8.000 botellas de viño en diferentes provincias.

Así mesmo, os axentes detectaron varias empresas relacionadas co sector do viño que, de maneira organizada, “embotellaban e puñan no mercado viño de maneira fraudulenta e ilexítimamente baixo as figuras de calidade DOP Bierzo e IGP Vino da Tierra de Cstilla y León”, destacan as mesmas fontes.

Para iso utilizaban “contraetiquetas e rexistros embotelladores falsificados, atribuíndo ao viño características das que carecía e cun sobreprezo á hora de polo no mercado”, concretaron as mesmas fontes.

EVIDENCIAS

Por tal motivo, procedeuse á explotación da operación, con 11 entradas e rexistros nos que se obtiveron “numerosas evidencias”, aseguran as mesmas fontes, da actividade que se desenvolvía e na que se interveu abundante documentación, varios centos de miles de contraetiquetas falsificadas, efectos e un total de 335.000 euros. Así mesmo, procedeuse á incautación de todo o viño afectado que se puxo no mercado.

Esta operación foi desenvolvida e dirixida polo Xulgado de Primeira Instancia e Instrución número 4 de Ponferrada e a Fiscalía de área de Ponferrada.

As dilixencias foron instruídas polo Equipo de Protección da Natureza da Comandancia da Garda Civil de León, en colaboración co Seprona e Unidade Orgánica de Policía Xudicial das Comandancias da Garda Civil de Ourense, Lugo e Pontevedra, así como persoal da DO Bierzo, Instituto Tecnolóxico Agrario da Xunta de Castela e León e inspectores de defensa de Fraudes e Calidade Alimentaria da Consellería de Medio Rural da Xunta en Ourense.

A operación continúa aberta, polo que a Garda Civil non descarta novas detencións.

DEIXAR UN COMENTARIO

Please enter your comment!
Please enter your name here