Lugo foi a provincia con menos accidentes durante a fin de semana

Accidente mortal en Begonte | CRTVG
Accidente | CRTVG

Urxencias Sanitarias de Galicia-061 atendeu a 58 persoas debido a 46 accidentes de tráfico rexistrados durante o fin de semana na rede viaria galega, das que tres faleceron. Deses accidentes, só cinco tiveron lugar na provincia de Lugo.

Segundo informou o 061, entre as 15,00 horas do venres 3 de maio e as 23,59 horas deste domingo a Central de Coordinación recibiu 58 chamadas en relación con accidentes de tráfico. A xornada con máis incidentes foi a do sábado, con 20 sinistros.

A Coruña con 24 accidentes, foi a provincia que rexistrou máis accidentes de tráfico durante os desprazamentos da fin de semana en Galicia; seguida de Pontevedra, con dez; Ourense, con sete; e Lugo, con cinco.

ACCIDENTE CASTRO DE REI

Por outra banda, unha persoa resultou ferida este luns nun accidente que tivo lugar no municipio lucense de Castro de Rei como consecuencia da colisión por alcance entre dous vehículos na estrada LU-113, segundo informaron a EFE fontes dos servizos de emerxencias.

DEIXAR UN COMENTARIO

Please enter your comment!
Please enter your name here