Un home resultou ferido grave na mañá deste venres tras chocar o quad que conducía contra un vehículo no municipio lucense de Meira. A vítima foi trasladada nun helicóptero medicalizado do 061 ao hospital.
Segundo a información do CIAE 112-Galicia, o suceso ocorreu pasadas as 12,00 horas na zona de Riocabo, cando o quad chocou contra un vehículo que circulaba pola estrada de Meira.
Ata a zona desprazáronse efectivos do GES da Pontenova, da Garda Civil de Tráfico e de Protección Civil da localidade. O condutor do quad foi evacuado en helicóptero ao Hospital Lucus Augusti, mentres que unha ambulancia trasladou unha muller, tamén ferida a causa do accidente, ao Centro de Saúde de Meira.
![[Arquivo] Dispositivo de Tráfico | Garda Civil](http://lugoxornal.gal/wp-content/uploads/2019/01/2018_9_15_52015s740x-218x150.jpg "O 45% dos feridos graves en accidentes en Lugo durante os dous últimos anos son peóns, ciclistas e motoristas")
