InicioLugo e contornaLugoTraballadores do centro de día municipal de Lugo non cobran as nóminas

Traballadores do centro de día municipal de Lugo non cobran as nóminas

PUBLICADA O

- Advertisement -

O sindicato Comisións Obreiras instou ao Concello de Lugo a liquidar “os problemas de liquidez do centro de día público Novo Antonio Gandoy”, dado que o persoal do mesmo aínda non cobrou a nómina correspondente ao mes de febreiro.

Segundo informou o sindicato, a empresa concesionaria dese servizo informou de que o Concello de Lugo lle debe ” unha importante cantidade” de diñeiro, “equivalente a varias mensualidades de prestación do servizo”.

Por tanto, a mediados de marzo, a empresa continúa sen ingresarlles aos traballadores a última nómina, á vez que a administración local tampouco lle librou á empresa o pago das mensualidades que lle debe.

Comisións Obreiras teme “que a situación poida empeorar”, porque “xa non só falamos do persoal, senón tamén da atención ás persoas usuarias, que son unha prioridade para todos”, afirma nun comunicado.

Por iso, pediu ao Concello que “axilice os trámites” para abonarlle á empresa o diñeiro que lle debe pola prestación dos servizos” e a “tomar as medidas necesarias para evitar que a situación se repita”.

Ademais, o sindicato lembra que está en proceso unha nova licitación deste servizo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...