Villafranca del Bierzo (León) foi o escenario este luns da presentación da segunda edición do chamado Premio Morales, en homenaxe ao escritor Antonio Fernández Morales, enterrado en Cacabelos (León), que pretende promocionar o galego, nesta ocasión coa incorporación da parte de Seabra (Sanabria, en castelán), en Zamora.
Outra das novidades presentadas polos convocantes do premio é que o obxecto do concurso, destinado a alumnos desta lingua no Bierzo e Seabra, teña como obxecto principal o filandón. Os traballos uniranse nun libro que publicará Edicións Positivas.
Para a presidenta do Instituto de Estudos Bercianos ( IEB), Mar Palacio, este concurso supón poñer o acento no “testemuño etnográfico deixado por Fernández Morais” na comarca.
O presidente do Consello comarcal, Gerardo Álvarez Courel, estivo na presentación, así como o director xeral de Política Lingüística da Xunta, Valentín García e o director xeral de Recursos Humanos da Consellería de Educación, Jesús Hurtado.
Na actualidade hai 927 estudantes de Primaria e 133 de Secundaria que estudan galego no Bierzo, ademais de 52 na Escola Oficial de Idiomas. Ademais, o Consello Comarcal realiza unha publicación ao ano en galego.