InicioPolíticaO Parlamento reclama á Xunta unha "atención sanitaria completa" en Castro de...

O Parlamento reclama á Xunta unha “atención sanitaria completa” en Castro de Rei

O BNG lamentou que, ademais, tamén permanezan pechados os ambulatorios de Parga e Baamonde "usando como coartada a Covid-19".

PUBLICADA O

- Advertisement -

O Parlamento galego reclama, a través dunha proposición non de lei aprobada este xoves por unanimidade en comisión parlamentaria, á Xunta que garanta a “atención sanitaria completa” no municipio de Castro de Rei.

A iniciativa parlamentaria, defendida polo BNG e que contou co apoio do PP e do PSdeG, insta á Xunta a que “garanta a carteira de servizos sanitarios no centro de saúde de Castro Ribeiras de Lea para toda a poboación, garantindo as condicións laborais do persoal e a correcta atención sanitaria á poboación”.

A través da mesma iniciativa a Cámara pide que se “posibilite que as persoas con patoloxías crónicas teñan a atención necesaria para as súas patoloxías, entre elas a receita periódica“, de modo que “non teñan problemas coa súa farmacia”, engade.

Así mesmo, insta á Xunta a que permita que as persoas con Covid “se sintan acompañadas xunto coas súas familias, desde o punto de vista médico, humano e psicolóxico”. Ademais, pide que “restaure e manteña a atención sanitaria completa” no municipio de Castro de Rei e no centro de saúde de Castro Ribeiras de Lea.

Por parte do BNG lembrouse que ese centro de saúde estivo “baixo mínimos durante o verán” con “un só médico para atender a máis de 5.000 habitantes cando son necesarios catro facultativos”. A parlamentaria do BNG Olalla Rodil, que defendeu esta iniciativa, lamentou que, ademais, tamén permanezan pechados os ambulatorios de Castro de Rei, Parga e Baamonde “usando como coartada a Covid-19”.

“MEDIDA CONCRETA”

Así, incidiu en que o médico que atendía o ambulatorio de Castro de Rei “é o único que atende boa parte dos días no centro de saúde de Castro Ribeiras de Lea”. A deputada do BNG resaltou nun comunicado que se acollen a este “acordo unánime” coa “esperanza de que se materialice nalgunha medida concreta e non circunscribilo ás curas dunha enfermeira para xustificar que se está recuperando a atención sanitaria” co médico de cabeceira.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...