InicioSociedadeSanidade comunica tres falecementos con Covid na área de Lugo

Sanidade comunica tres falecementos con Covid na área de Lugo

As vítimas mortais en Galicia alcanzan as 2.474 tras sumar un total de 10 persoas que perderon a vida entre o 30 de xullo e este 2 de agosto.

PUBLICADA O

- Advertisement -

A quinta onda da pandemia segue cobrándose vidas en Galicia, que alcanzou este luns as 2.474 vítimas mortais tras notificar as autoridades sanitarias outros dez falecementos, a cifra máis alta comunicada nunha xornada –aínda que as mortes se produciron en varios días— desde o pasado 1 de marzo.

Tras os primeiros días de marzo –en concreto o 1 notificáronse 14 falecidos–, o número de vítimas mortais comunicadas por Sanidade en Galicia nunha única xornada descenderan paulatinamente de forma significativa. Pero neste luns, no que os contaxios caeron, aínda que se elevou a presión asistencial, comunicáronse un total de 10 falecementos.

Deles, tres pertencen á área sanitaria de Lugo. En concreto, o 1 de agosto faleceron dúas persoas no Hospital Universitario Lucus Augusti (HULA): un home de 79 anos e unha muller de 89. Ao día seguinte, 2 de agosto, Sanidade comunica outra morte máis neste mesmo hospital dun home de 85 anos.

Ademais, Sanidade informa de que o pasado 30 de xullo faleceu unha muller de 93 anos no Complexo Hospitalario Universitario de Santiago (CHUS) e o 31, unha muller de 95 no Complexo Hospitalario de Pontevedra (CHOP). O 1 de agosto notifica tamén dúas mortes no Complexo Hospitalario Universitario de Ferrol (CHUF) –dous anciáns de 94 anos–, e outro home de 87 no Hospital do Salnés.

Neste luns 2 de agosto, Sanidade notifica unha muller de 91 falecida no Hospital do Salnés e outra anciá de 91 no CHOP–. Sanidade trasladou que todos os falecidos tiñan patoloxías previas.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...