InicioSociedadeIngresado na UCI do HULA con covid un home de 35 anos

Ingresado na UCI do HULA con covid un home de 35 anos

"Os pacientes covid ingresados no HULA son cada vez máis novos", di Ramón Ares.

PUBLICADA O

- Advertisement -

EFE. Un paciente mariñán de 35 anos de idade é a persoa máis nova afectada por coronavirus que ingresou na Unidade de Coidados intensivos do HULA desde que comezou a pandemia.

Fontes sanitarias confirmaron a EFE que este paciente está relacionado co brote detectado na localidade de Viveiro, o mesmo que fixo que esa localidade pasase o nivel alto de restricións como consecuencia do incremento da incidencia do covid-19.

Ingresou inicialmente no Hospital Público da Mariña, pero finalmente tomouse a decisión de trasladalo ao HULA e o mércores ingresou na unidade de críticos do hospital, onde hai nestes momentos dous pacientes asistidos a causa do coronavirus.

O xerente da área sanitaria de Lugo, A Mariña e Monforte de Lemos, Ramón Ares, informou de que as idades dos pacientes ingresados na provincia como consecuencia de procesos “graves” por mor de “infeccións por covid-19 son cada vez máis baixas”.

“IDADES MÁIS BAIXAS”

“O que estamos a observar”, precisou en declaracións a EFE, “é que as idades dos pacientes ingresados, tanto as unidades de hospitalización como nas de críticos, son cada vez máis baixas”. Segundo Ares, esa situación é unha consecuencia directa, “un efecto fundamental, da vacina, porque as persoas maiores xa están nunha porcentaxe elevada inmunizadas e os procesos máis graves prodúcense nos grupos que están aínda sen vacinar”.

Ramón Ares aclarou que esas reaccións máis adversas están a producirse mesmo “en xente non que tiña patoloxías previas”. Hai casos, recoñeceu, de persoas que pasan directamente da porta de urxencias ás unidades de coidados intensivos.

Nese sentido, insistiu na importancia de manter as medidas de seguridade xa coñecidas para evitar os contaxios, á espera de quede completada a campaña de vacinación.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...