A Deputación de Lugo mantén illadas a sete persoas nos seus domicilios de acordo cos protocolos activados tras a detección dun positivo por covid nun traballador do parque móbil da institución provincial.
Segundo explicou a Deputación nun comunicado, tras coñecer o caso tomáronse “todas as medidas para minimizar os riscos de propagación do virus que esixen as autoridades sanitarias, reforzándoas en base aos protocolos propios” da institución.
Dentro destas medidas, especifica o comunicado, a Deputación mantén a sete persoas illadas nos seus domicilios como medida de prevención, seguindo o protocolo sanitarios das autoridades competentes.
