Os casos activos aumentan en Lugo, pero a menor ritmo ca nas ondas anteriores

O Sergas informa dun incremento das hospitalizacións, ao pasar de 11 a 13.

Unha muller camiña con máscara por Lugo | Carlos Castro - Europa Press

A área sanitaria de Lugo rexistra este xoves 22 de abril un total de 211 casos activos de coronavirus, catro máis ca na xornada anterior. Nas últimas 24 horas confirmáronse 7 novos positivos a través de PCR.

Aumentan, iso si, as hospitalizacións, que pasan de 11 a 13. Hai 9 persoas en planta (4 no Hula, 3 na Mariña, 2 en Monforte) e 4 na Uci do Hula.

Dende o inicio da pandemia faleceron 212 persoas diagnosticadas de Covid en Lugo, curáronse 11.892 e realizáronse 218.996 PCR.

GALICIA

En Galicia continúa tamén a suba de pacientes con infección activa (2.875) así como o número de doentes ingresados (204). Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here