Sanidade detecta dous positivos nun autobús procedente de Madrid e con parada en Lugo

Un deles presentou os síntomas unha vez chegou á cidade.

Autobús de Monbus | LX

Consellería de Sanidade detectou dous positivos con covid-19 por mor dun cribado nun autobús procedente de Madrid e que fixo parada na cidade de Lugo.

Segundo trasladan a Europa Press fontes sanitarias, decidiuse impulsar este proceso de cribado aos pasaxeiros do vehículo debido a un caso confirmado mediante PCR e que rexistrou síntomas unha vez chegou á cidade.

Nese momento, iniciáronse as tarefas de rastrexo das persoas que viaxaron na ruta do autobús para participar nun cribado, que se saldou con dous positivos.