InicioSociedadeReclaman que se recupere a atención médica de forma presencial

Reclaman que se recupere a atención médica de forma presencial

A Federación Veciñal de Lugo insiste na súa petición para evitar un "intento de privatización" do sistema a raíz da actual situación de pandemia.

PUBLICADA O

- Advertisement -

A Federación de Asociacións de Veciños da Provincia de Lugo compartiu un escrito no que reclama a recuperación paulatina da atención médica de forma presencial na área sanitaria de Lugo.

A atención médica continúa sendo “semipresencial” na provincia de Lugo e, “na maioría dos casos, é atención telefónica sen a presencia do paciente”. “Isto non é de recibo”, critican, “xa que mentres a sociedade é atendida de forma presencial en case todos os organismos públicos, no sistema empresarial ou no ensino, inténtanos coar a idea de que o risco non permite a atención personalizada no sistema sanitario”.

Se ben entenden que esta medida era precisa, coidan que non se pode estender no tempo de forma continuada nin moito menos aproveitar para “privatizar” o sistema, un dos puntos no que máis insisten.

Así pois, esixen “de forma inmediata” que se retomen as consultas presenciais agás para as renovacións de receitas ou para aqueles casos nos que así sexa solciitado expresamente polo paciente. Do mesmo xeito, tamén piden recuperar “dunha vez” as asistencias de fisioterapia, logopedia, terapia ocupacional e educación para a saúde. Por último, reclaman “atención presencial en todos os centros de saúde os sábados en xornada de mañá” e tachan de “inaceptable” a actitude do xerente da área lucense no que respecta a este asunto.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...