InicioSociedadeSete casos de coronavirus en Rábade no marco dun gromo "controlado"

Sete casos de coronavirus en Rábade no marco dun gromo “controlado”

A incidencia a 14 días dispárase por riba dos 400 casos por cada 100.000 habitantes, pero o alcalde confía en que "non vai ir a maiores" porque o cribado efectuado resultou satisfactorio.

PUBLICADA O

- Advertisement -

O alcalde de Rábade, Kiko Fernández Montes, confirmou que no municipio acumulan sete casos de Covid-19 dun gromo controlado, o que dispara a incidencia a 15 días por encima de 400 por cada 100.000 habitantes nun concello onde residen 1.600 veciños.

Fernández Montes precisou que no concello xa estiveron “nesta situación”, á vez que sinalou que se trata dun “gromo localizado nunha contorna familiar ampla“.

O alcalde puntualizou que tivo a primeira noticia “o xoves pola noite” e xa o domingo o Sergas comunicoulle a intención de facer un cribado na zona onde se orixinou o gromo: un bloque de tres edificios.

“Eu expúxenlles a posibilidade de amplialo (o cribado) e facelo a uns edificios adxacentes porque é unha zona na que hai moito contacto entre eles. Alí vive moita xente, é unha das zonas máis poboadas da vila e alí foi onde houbo un maior número de afectados”, subliñou.

Kiko Fernández Montes corroborou que o “domingo comezou a facerse o cribado que se resolveu con resultados satisfactorios e demostra que o gromo está controlado”. “As persoas contaxiadas son conscientes da situación e son persoas que non van causar ningún tipo de risco extraordinario. Temos que soportar as limitacións pero cremos que a cousa non vai ir a maiores”, concluíu o alcalde de Rábade.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...