O Sergas informa dun novo descenso de casos activos por coronavirus na área sanitaria de Luog, aínda que non tan pronunciado como na xornada anterior. Así, este xoves 11 de marzo rexístranse 236 pacientes con infección activa (8 menos). Nas últimas 24 horas confirmáronse 17 novos positivos.
Os hospitais continúan perdendo presión asistencial: hoxe hai 24 persoas ingresadas (-2). Delas, 18 están en planta (12 no Hula, 2 na Mariña e 4 en Monforte) e outras 6 permanecen nas unidades de críticos.
Dende o inicio da pandemia, faleceron en Lugo 210 persoas que foran diagnosticadas por coronavirus, curáronse 11.376 e realizáronse 193.322 probas PCR.