Os hospitais da provincia de Lugo por fin comezan a notar de maneira máis clara os efectos da remisión da terceira onda da pandemia. Neste mércores 24 de febreiro, rexístranse 53 hospitalizacións (nove menos ca onte). Delas, 37 son en planta (28 no HULA, 5 no Hospital da Mariña, 3 no de Monforte e 1 no Polusa). Outros 16 pacientes están na Unidade de Coidados Intensivos do HULA, tres menos ca onte.
A tendencia favorable tamén continúa no que respecta ao total de casos activos de coronavirus, que hoxe son 748 (-19), e aos novos positivos (nas últimas 24 horas detectáronse 25).
A cifra de falecidos dende o inicio da pandemia alcanza as 200 vítimas na provincia, segundo datos do Sergas, se ben é certo que o total podería ser superior ao sumar aqueles usuarios de residencias lucenses que finaron en centros doutras áreas sanitarias.
Ata o momento curáronse 10.664 persoas e realizáronse 184.020 PCR (980 onte)
GALICIA
Algo semellante é o que ocorre no conxunto galego. A presión hospitalaria mantén a tendencia descendente en Galicia con 59 ingresados menos. Tamén volveron a reducirse os casos activos, que supoñen 7.292. Podes ler a información completa no Galicia Confidencial.