A área de Lugo achégase ao centenar de ingresos por coronavirus

Os casos activos seguen reducíndose, ao rexistrarse un número elevado de altas e detectarse 41 novos positivos

Unha familia pasea con máscaras pola Muralla de Lugo durante a pandemia | Carlos Castro - Europa Press

Os casos activos e os diagnósticos de coronavirus van baixando na área sanitaria de Lugo, pero non o fan do mesmo xeito as hospitalizacións. Este martes 9 de febreiro, o Sergas informa de 1.721 pacientes con infección activa (46 menos). Así mesmo, nas últimas 24 horas confirmáronse 41 novos positivos a través de PCR.

Pola contra, os ingresos hospitalarios seguen medrando e xa se sitúan nos 98. É un máis ca onte, aínda que as UCI rebaixan a presión. En concreto, hai 72 persoas en planta (42 no HULA, 10 na Mariña e 20 en Monforte) e 26 nas unidades de críticos (24 no HULA e 2 na Mariña).

Por outra banda, Sanidade refire 183 falecidos na provincia tras notificar na tarde de onte a morte dunha usuaria da residencia de Sarria que finou no HULA. Do mesmo xeito, dende o inicio da pandemia curáronse 9.060 persoas e realizáronse 169.740 probas PCR (894 delas onte).

BOS SINAIS EN GALICIA?

En canto á comunidade galega, o Sergas comunica que os pacientes con Covid-19 ingresados en hospitais descenderon en 39, seis deles menos en UCI e 33 menos noutras unidades de hospitalización. Ademais de aliviarse a presión hospitalaria, baixan os casos activos en 794 ata os 18.452 e os contaxios diarios mantéñense no medio milleiro -582, deles 489 confirmados por PCR nas últimas 24 horas-. Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here