InicioSociedadeDispárase a presión hospitalaria en Lugo, con 51 pacientes en planta e...

Dispárase a presión hospitalaria en Lugo, con 51 pacientes en planta e 15 na UCI

Galicia alcanza a máxima cifra de ingresos de toda a pandemia, incluso por riba da primeira onda: 1.154

PUBLICADA O

- Advertisement -

A área sanitaria de Lugo presenta hoxe un forte incremento no que respecta á presión asistencial por pacientes de coronavirus. O Sergas contaba onte 59 ingresos (dos cales once estaban na UCI), pero esa cifra elévase agora ata as 66 hospitalizacións, con 51 pacientes en planta e 15 en unidades de críticos. Estes datos danse nunha xornada na que Galicia rexistra o maior número de hospitalizacións de toda a pandemia.

O Hospital Universitario Lucus Augusti é o centro con máis carga de pacientes de Covid (26 en planta, 14 na UCI). Porén, a UCI do Hospital da Mariña tamén acolle hoxe unha persoa diagnosticada de coronavirus, que se suma ás outras 18 que están en planta. Pola súa parte, o Hospital de Monforte segue coa escalada de ingresos e xa conta seis hospitalizacións. Por último, o hospital privado Polusa atende unha persoa infectada.

Esa é a consecuencia directa da repunta de casos activos e positivos diarios que levamos observando nas últimas semanas. De feito, tamén hoxe se rexistra un novo aumento: son 1.731 casos activos (+65) e 111 contaxios detectados nas últimas 24 horas a través de PCR.

O Sergas non comunicou no día de onte ningún falecemento na provincia de Lugo, polo que a cifra das vítimas mortais mantense nas 160 dende o inicio da pandemia. Os datos históricos revelan, así mesmo, que se curaron 7.454 persoas e que se realizaron 150.014 PCR (1.052 onte).

GALICIA, POR RIBA DA PRIMEIRA ONDA

No que atinxe ao conxunto galego, a comunidade alcanzou un novo pico de hospitalizados ao sumar 88 novos ingresos nas últimas 24 horas, o que eleva o total a 1.154 ingresados, o peor dato de toda a pandemia. Sanidade confirma 993 pacientes en planta (+77) e 161 na UCI (+11). Podes consultar máis información no Galicia Confidencial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...