Sen novos positivos na Deputación tras coñecerse os resultados do cribado

Das oitenta persoas que realizaron as probas, tan só se confirmou o contaxio dun traballador que xa fora detectado na primeira fase.

Pazo de San Marcos, sede da Deputación Provincial de Lugo | ALX

EFE | A Deputación Provincial de Lugo, que permanece pechada ao público, informou de que deron negativo as oitenta persoas sometidas a un cribado na institución provincial —salvo un traballador de Novas Tecnoloxías que xa dera positivo na primeira fase— como medida de precaución.

Ese cribado foi realizado despois de que desen positivo os deputados provinciais de Promoción Económica e Social, e Réxime Interior, Promoción do Territorio e Turismo, Pablo Rivera e Pilar García Porto, respectivamente, para cortar unha posible cadea de contaxios.

Nas probas realizadas só se confirmou o positivo dun traballador do servizo de Nova Tecnoloxías cuxo contaxio xa fora detectado na primeira fase do cribado, na que participaron unhas 30 persoas. De feito, tamén deu negativo o traballador do Centro de Artesanía e Deseño (Centrad) que estaba pendente do resultado despois de estar en contacto cun caso positivo. Así e todo, por precaución, o Centrad permanecera tamén pechado ao público.

DEIXAR UN COMENTARIO

Please enter your comment!
Please enter your name here