Ano novo, lingua nova: os neofalantes, os “salvavidas” do galego

Eis a experiencia de cinco persoas que decidiron mudar o castelán polo galego, e algunhas fixérono mesmo como propósito de aninovo. Ás que veñen detrás, non dubidan en darlles azos: "Falar galego abre un mundo novo por explorar e desfrutar, e sempre trae moitas sorpresas!".

Outeiro de Rei escenario do Convivio da Cultura Galega, é un dos dez concellos da provincia que recibirá axudas para a promoción do galego | A Mesa Pola Normalización Lingüística
Cartel de apoio á lingua galega | A Mesa

E que tal se nos botamos a falar galego -ou, polo menos, máis galego- como propósito de cara ao ano que entra? “Para min foi un acerto seguro!”, fala Alba Rodríguez, unha moza viguesa que vai cumprir dous anos como neofalante. “Agora que está a piques de vir un novo ano e despois deste desastre de 2020… Por que non comezar cun idioma marabilloso coma este?”.

Sábese ben que aquilo que un adoita propoñerse dun ano para outro, ás veces, cae en saco roto, pero se es desas persoas que anda indecisa ou que está a puntiño de dar o paso, pode resultar unha boa técnica inaugurar o 2021 falando galego. A Noelia Nores tamén lle funcionou. Coa chegada do 2020, decidiu que a súa lingua habitual había ser o galego. O proceso foi gradual, paso a paso, ata que a finais do verán, en canto regresou de Moaña ao seu piso de estudantes en Compostela, deu a zancada definitiva.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here