InicioSociedadeAumenta a presión na Uci do HULA, que xa atende oito pacientes...

Aumenta a presión na Uci do HULA, que xa atende oito pacientes con Covid

Diminúen os casos activos e os novos positivos confirmados nas últimas 24 horas na área de Lugo.

PUBLICADA O

- Advertisement -

O número de casos activos por coronavirus na provincia de Lugo baixou ata os 1.102 este mércores, seis menos ca onte, segundo o reconto ofrecido este luns polo Servizo Galego de Saúde (Sergas). Ao tempo, tamén se reduce o número de contaxios logo da subida rexistrada o martes: nas últimas 24 horas confirmáronse 37 novos positivos a través de PCR.

Se ben diminuíu a cifra de persoas hospitalizadas, que pasou de 47 a 43, o certo é que a Uci do HULA segue recibindo cada vez máis pacientes. Agora mesmo, o HULA atende 20 persoas con coronavirus en planta e oito na Unidade de Coidados Intensivos. O Hospital da Mariña conta oito persoas ingresadas e o de Monforte, 7.

Por outra banda, no histórico da provincia documéntanse 118 falecementos. O último deles, notificado no serán de onte por Sanidade, correspóndese co dunha nonaxenaria que faleceu no HULA, procedente da residencia San Salvador (Guntín).

Ademais, ata o momento curáronse 4.804 pacientes e fixéronse 99.387 PCR, o que implica que na última xornada se realizaron 613 probas (case cen menos ca o día anterior). Sanidade tamén ofrece datos sobre o índice de positividade por áreas: en Lugo, 6’9 de cada 100 PCR son positivas (sobe un punto).

GALICIA

No conxunto da comunidade galega Sanidade informa dunha repunta de contaxios, 521, case a metade en Vigo. Galicia volve así á tendencia á alza, que tamén propicia un aumento nos casos activos: 8.638 (21 máis ca no anterior reconto).

Mellora a cifra de hospitalizados ao situarse nos 434 pacientes, 22 menos ca o martes, pero aumenta lixeiramente o total de persoas atendidas nas unidades de críticos (97).

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...