InicioSociedadeA Fonsagrada sae da lista de concellos en alerta vermella por Covid-19

A Fonsagrada sae da lista de concellos en alerta vermella por Covid-19

A Consellería activa o nivel 3 en Burela e manteno en Lugo, Monforte, Cervo e Viveiro.

PUBLICADA O

- Advertisement -

A provincia de Lugo mantén cinco concellos en alerta vermella pola incidencia do coronavirus, pero hai cambios nesta lista: sae A Fonsagrada e incorpórase Burela. Os municipios de Lugo, Viveiro, Cervo e Monforte de Lemos continúan neste mesmo nivel 3 de aviso.

Así o indica o mapa ‘semáforo’ que actualiza diariamente a Consellería de Sanidade. Bóveda e Cospeito son os únicos concellos lugueses que están en situación de alerta laranxa (nivel 2) este martes 3 de novembro, xornada na que a provincia rexistra menos positivos novos pero máis hospitalizacións.

Mentres, no conxunto da comunidade galega, redúcense os municipios con nivel de alerta vermello e pasan a ser 49, malia activarse hoxe o aviso en Burela e Malpica. A provincia de Pontevedra é a que ten un maior número de municipios nesta situación (21), seguida da Coruña (17) e lonxe de Ourense (6) e Lugo (5).

A entrada no nivel máximo de risco de todas estas localidades implica que se detectaron máis de 21 casos de coronavirus nos últimos sete días. Con todo, nas urbes de máis de 50.000 habitantes, o limiar para detectar o aviso vai en función do tamaño: Ferrol –máis de 76 casos nunha semana–, Pontevedra –máis de 96–, Santiago –máis de 112–, Lugo –máis de 112–, Ourense –máis de 120–, A Coruña –máis de 276– e Vigo –máis de 332–.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...