Soben a nove os positivos en escolas de Lugo e suman xa 59 casos

Acordase o peche do CPR Divina Pastora en Lugo.

Aula dun colexio baleira | AXM

Os contaxios detectados en centros, institutos e gardarías da comunidade galega experimentaron unha nova repunta. O balance facilitado polas autoridades sanitarias reflicte xa 729 positivos confirmados con covid-19 nestas instalacións entre alumnos e docentes, 44 casos máis.

Ademais, nesta xornada, a área de Vigo superou á de Ourense en número de casos, con 151 positivos, 12 máis que a xornada anterior. Na área de Lugo os positivos subiron en oito, ata os 59 casos, e decretouse un novo peche de aula (una do CPR Divina Pastora da cidade das murallas), co que xa son seis.

O coronavirus afecta na área viguesa a 85 centros, dos que cinco son escolas infantís, e mantén pechadas nove aulas, dúas máis. En concreto, trátase dunha aula da Escola Municipal de Navia e outra da rúa Palencia, ambas as na cidade de Vigo.

A área de Ourense, pola súa banda, mantén activos 144 positivos, 13 menos que a xornada anterior (é a única que baixa), que afectan a 69 centros, oito deles escolas infantís. Nesta área permanecen pechadas dúas aulas e un centro, o punto de atención á infancia situado en Boborás, que acumula seis positivos.

O incremento máis significativo de positivos, con todo, dáse na área da Coruña, que suma 22, ata os 135 repartidos en 81 centros, seis deles escolas infantís. En Santiago, pola súa banda, os positivos detectados en 66 centros escolares alcanzan o 117 –cinco máis que a xornada anterior–. O mesmo aumento detéctase en Pontevedra, ata os 73 positivos, e en Ferrol, ata os 50.

Os gromos máis importantes en centros escolares nestes momentos rexístranse no CPR Plurilingüe Sacro Corazón do Carballiño (Ourense) e no IES Antón Alonso Ríos de Tomiño (Pontevedra), con sete casos cada un.

NOVOS CENTROS

Entre os novos centros que se incorporan á listaxe da Xunta está o CEAD Liceo A Paz da Coruña, o IES Rafael Dieste, tamén na capital provincial; o CEIP de Galán, en Arteixo; o CEIP Pría de Quenxe, en Corcubión; o British Royal School de Culleredo, que suma catro casos, ou o CEIP San Vincenzo de Vimianzo.

Así mesmo, tamén aparecen o CEIP Couceiro Freijomil de Pontedeume o CPI de San Sadurniño, o CEIP A Barouta de Ames, o CFEA de Sergude, en Boqueixón; o Plurilingüe de Sigüeiro ou o Vilas Alborada de Santiago; ademais do CEIP Vista Alegre de Burela, o CEIP Fondo Nois de Foz ou o IES de Monterroso.

Na área de Ourense, incorpórase o Plurilingüe Julio Gurriarán Canalejas do Barco ou o IES de Vilamarín; mentres que na de Pontevedra aparece a Escola Infantil do Campus e o CPR Salvador Moreno de Pontevedra.

Finalmente, a listaxe incorpora escolas da área viguesa como o CEIP de Atín-Cela, en Mos; o CRA Mestra Clara Torres, de Tui; ou o CEIP Sobreira-Valadares, a Plurilingüe Alba ou o IES A Guía, todos en Vigo.

DEIXAR UN COMENTARIO

Please enter your comment!
Please enter your name here