InicioSociedadeSanidade cre que o aumento de casos se debe ás "reunións familiares"...

Sanidade cre que o aumento de casos se debe ás “reunións familiares” tras a ponte de San Froilán

O xerente da área sanitaria de Lugo, Ramón Ares, asegurou este mércores que o "aumento" de contaxiados de covid-19 na cidade de Lugo ten a súa orixe en "reunións familiares", un tipo de contacto que se intensificou desde a ponte de San Froilán e o do Pilar.

PUBLICADA O

- Advertisement -

O xerente da área sanitaria de Lugo, Ramón Ares, asegurou este mércores que o “aumento” de contaxiados de covid-19 na cidade de Lugo ten a súa orixe en “reunións familiares”, un tipo de contacto que se intensificou desde a ponte de San Froilán e o do Pilar.

Así, Ramón Ares recoñeceu que esta é unha situación que “preocupa” na área sanitaria, xa que se intercalan os “brotes familiares, en familias enteiras, coa actividade social, con reunións ou con comidas”.

“Acabamos de pasar as festas de San Froilán, tanto na ponte de San Froilán como na do Pilar, a xente moveuse e todo isto, ao cabo dunha semana, acabamos vendo a transmisión que se produce por toda esta actividade”, constatou.

O xerente da área sanitaria de Lugo incidiu en que as reunións familiares son “unha das causas de que aumenten os casos” na cidade, que se atopa en situación de “alerta vermella”. Pola contra, destacou que, “de momento, non se produciu ningún brote no ámbito laboral”.

En canto á presión asistencial no HULA, Ramón Ares sinalou que permanece “estable” e “non aumentou nos últimos días”, contres pacientes que permanecen na UCI e 14 ingresados no hospital, aínda que avogou por manter a vixilancia.

BROTES DE BÓVEDA E VILALBA

Na mesma provincia, durante a última xornada incrementáronse os casos vinculados ao brote dunha residencia de persoas con discapacidade en Bóveda, así como os casos detectados en Vilalba.

En concreto, a Consellería de Política Social informou de que se detectaron catro novos positivos entre os usuarios da residencia de atención á discapacidade DomusVi Bóveda, onde esta semana se detectaba un brote.

Con iso, xa son sete os usuarios afectados pola covid-19 neste centro, así como catro traballadores que deron positivo.

Do mesmo xeito, segundo informou o Concello de Vilalba, a cifra de persoas con PCR positiva na localidade incrementouse na última xornada desde os 11 ata os 14.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...