A subdelegada do Goberno, Isabel Rodríguez, visitou este venres as instalacións do centro de distribución do Banco de Alimentos de Lugo para supervisar o desenvolvemento da segunda fase do Programa de Axuda a Persoas Desfavorecidas 2020, que chegará a case 8.800 lucenses.
Na visita estivo acompañada pola presidenta do Banco de Alimentos, Amadora Núñez, e o responsable da dependencia de Agricultura e Pesca da Subdelegación do Goberno, Enrique Liñares.
A subdelegada informou de que, nesta segunda fase, chegarase a case 8.800 lucenses, que recibirán 226.093 quilos de alimentos cun valor de 225.000 euros.
Este programa articúlase articúlase en tres fases, dúas delas en 2020 e a terceira no primeiro trimestre de 2021. Na primeira, que se desenvolveu en xuño, repartíronse outras 152 toneladas de alimentos, valorados en 115.441 euros na provincia. A terceira e última fase está prevista para o mes de febreiro de 2021.
O Banco de Alimentos e a Cruz Vermella son as entidades que colaboran co Goberno na distribución dos alimentos a 72 organizacións asociadas de repartición para que estas fornézanas a persoas beneficiarias do programa en toda a provincia.
