InicioSociedadeFala Stop Desafiuzamentos Lugo: "Desaloxaron a unha parella de emigrantes retornados sen...

Fala Stop Desafiuzamentos Lugo: “Desaloxaron a unha parella de emigrantes retornados sen recursos entre insultos e ameazas”

Traballa en 18 casos de falta de pagamentos de alugueres. Denuncia que a Xunta non busca vivendas para esta xente e situación de precariedade.

PUBLICADA O

- Advertisement -

A presidenta de Stop Desafiuzamentos Lugo, Mina Galván, concretou este luns que traballan en 18 casos de falta de pagamentos por alugueres na provincia, entre eles o dun matrimonio de avanzada idade retornado de Cuba.

Galván asegurou que estes 18 casos “son urxentes”. “Houbo algunha execución, houbo que paralizalos e agora algún está en vías de solución”, constatou. A activista lamentou que “pouca solución hai (a este problema dos alugueres) porque a Xunta che dá o diñeiro pero non busca unha vivenda e a vivenda é moi difícil de atopar para unha persoa precarizada que non ten avais, nin nada para facer fronte aos requisitos que se piden”.

“Ademais a xente ten os seus motivos para desconfiar. Ter un bono (de aluguer) tiña que ser garantía de pago, pero a xente está moi desconfiada por esta publicidade mediática que está encima dos ocupados. A ocupación en Lugo é irrisoria”, subliñou.

Un dos casos “máis graves” sobre os que traballan na plataforma é o “dunha parella de persoas moi maiores, son dous retornados de Cuba, dúas persoas abandonadas polas institucións”, sinalou. O home, que ten máis de 70 anos, sufriu catro infartos e ten unha pensión non contributiva, en tanto que a muller, de 75, non cobra “absolutamente nada”. Agora conviven cun fillo, logo que fosen desaloxados no medio de “insultos e ameazas” polo propietario da vivenda na que residía esta parella “maior”, explicou.

Mina Galván lamentou a ausencia de vivendas sociais en Lugo, cifrando en “uns cen” as necesarias para facer fronte á demanda que se dá na provincia.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...