Pecha a Escola Infantil Municipal Gregorio Sanz de Lugo tras dar positivo unha educadora

A decisión tomouse para minimizar riscos entre os pequenos.

Escola Infantil Municipal Gregorio Sanz de Lugo | Fonte: Google Maps.

Un positivo de COVID-19 detectado nunha educadora obrigou ao peche da Escola Infantil Municipal Gregorio Sanz, no Concello de Lugo.

O Goberno local comunicou ás familias esta decisión co fin de minimizar os riscos para os pequenos, tras confirmar o caso esta mañá.

O edil de Educación, Felipe Rivas, xustificou a medida “por responsabilidade”, a pesar de que o risco de contaxio era “moi pequeno”.

O resto de traballadores da escola serán sometidos a probas para descartar unha maior incidencia do virus nas instalacións, que se someterán a tarefas de desinfección.