Tres falecementos por Covid na residencia de Outeiro de Rei nas últimas horas

Unha ambulancia aparcada nas inmediacións da residencia de maiores DomusVi de Outeiro de Rei en Lugo. Carlos Castro - Europa Press

As vítimas que deixa a pandemia do coronavirus en Galicia ascenderon a 694, tras falecer nas últimas horas outras dúas persoas diagnosticadas de COVID-19 no Complexo Hospitalario Universitario da Coruña (Chuac) e na residencia DomusVi Lugo, de Outeiro de Rei, respectivamente. Con este novo falecemento, soben a tres as mortes neste centro nas últimas horas.

Segundo se recolle no parte de datos diario da Consellería de Sanidade, este luns faleceu no centro DomusVi Lugo, en Outeiro, unha muller de 99 anos que, tal e como explican fontes sanitarias, contaba con patoloxías previas.

Estes dous novos falecementos, que elevan a 694 o cómputo de vítimas en Galicia, prodúcense despois de que este luns Sanidade notificase seis mortes en toda a xornada. Dúas delas, correspondentes con mulleres de 87 e 80 anos, respectivamente, tamén eran usuarias do centro de Outeiro de Rei, aínda que estaban ingresadas no Hospital Lucus Augusti (HULA).

75 FALECIDOS DESDE ‘NOVA NORMALIDADE’

Desde o comezo da ‘nova normalidade’, o número de pacientes falecidos coa enfermidade en Galicia é de 75 persoas, tras a morte dunha muller o 7 de agosto. Antes diso, a Comunidade encadeara case dous meses –desde o 10 de xuño– sen decesos relacionados co coronavirus.

DEIXAR UN COMENTARIO

Please enter your comment!
Please enter your name here