Un novo morto por coronavirus no Polusa de Lugo

Hospital Polusa
Hospital Polusa | ALX

Un novo falecido confirmado nas últimas horas elevou o número de mortes por mor da COVID-19 a 673 en Galicia desde o comezo da pandemia. En concreto, segundo trasladaron desde a Consellería de Sanidade, trátase dun home de 73 anos que estaba ingresado no Hospital Polusa de Lugo e que presentaba patoloxías previas.

Este xoves tamén se informou do falecemento dunha muller de 78 anos con covid-19 que se atopaba ingresada no Hospital Álvaro Cunqueiro de Vigo.

No día de onte notificáronse sete falecementos de persoas con covid-19, o que fai que fose a xornada con maior número de mortes comunicadas desde o mes de maio na Comunidade.

Desde o comezo da ‘nova normalidade’ o número de pacientes falecidos coa enfermidade en Galicia é de 54 persoas, tras o falecemento dunha muller o 7 de agosto. Antes diso, Galicia encadeara case dous meses –desde o 10 de xuño– sen decesos relacionados co coronavirus.

DEIXAR UN COMENTARIO

Please enter your comment!
Please enter your name here