InicioSociedadeDous novos falecidos en Lugo vinculados a residencias

Dous novos falecidos en Lugo vinculados a residencias

Unha era do centro do Incio e outra de DomusVi Lugo, en Outeiro de Rei.

PUBLICADA O

- Advertisement -

Dúas persoas faleceron nas últimas horas no Hospital Lucus Augusti de Lugo (HULA) diagnosticadas con COVID-19, co que a cifra total de mortes desde que comezou a pandemia ascende a 661 en Galicia. Ambas as persoas procedían de residencias de maiores: unha situada no Incio e a outra en Outeiro de Rei.

En concreto, a Consellería de Sanidade informou do falecemento dunha muller de 89 anos e un home de 88. Ambos atopábanse hospitalizadas no Hospital Lucus Augusti. En ambos os casos presentaban patoloxías previas, sinalaron as mesmas fontes.

A falecida procedía da residencia do Incio, intervida pola Xunta e que rexistra un brote con máis dun centenar de afectados. Con este deceso, son xa 15 os mortos relacionados con este foco.

O home morto nas últimas horas con coronavirus é a primeira vítima do brote rexistrado no xeriátrico de Outeiro de Rei, onde se detectaron, segundo as últimas cifras ofrecidas por Sanidade, máis de 50 casos entre usuarios e traballadores.

As mortes con COVID-19 subiron nas últimas semanas, co aumento dos brotes e os contaxios na Comunidade galega. Desde a ‘nova normalidade’ notificáronse un total de 41 decesos, o primeiro deles, o dunha muller o pasado 7 de agosto en Ourense.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...